TV: Paisc dla Ladinia vita y storia

Mertesc, 20.02.2018 da les 20.50-21.01

La Val

La Val é n paisc dla Val Badia y al é a 1353 m sura le livel dl mer. La popolaziun de La Val vir scialdi dal laur de artejanat y dal laur da paur, mo da n valgügn agn inca s’á le paisc svilupé ince tl ciamp dl turism y tl 2015 á La Val ciafé la zertificaziun de paisc da jí a pé. Dan plü de 150 agn ê le zënter dl paisc tla vila de Tolpëi, olache al é ciamó da odëi le ciampaní dla vedla dlijia de S. Senese, la calonia y l’ostaria. Nia dalunc dala dlijia vedla, sön n col él la picera dlijia de S. Berbura fata sö tl 1490. Tl 1951, por orenté de Siur Angel Morlang, él gnü rapresenté le teater „Fanes da zacan“, olache feter döta la comunité de La Val á contribuí a chësc evënt teatral tan particolar. N program de Erika Castlunger, camera y tai de Hans Peter Karbon.

Program de Erika Castlunger
camera y tai Hans Peter Karbon
a cura de Alessandro Dapunt

Fotografia de Erika Castlunger