Chi sonse pa

Con 16 ores al di de trasmiscions radiofoniches y beleche 3 de televijion é la senta de Bulsan deplù che na scempla articolazion teritoriala dla firma RAI.

Dlongia les trasmiscions de carater giornalistich per talian, bendebot medemes a cheles dles autres regions, va inant la senta de Südtirol con la programazion de contegnù cultural che ova ti agn Otanta caraterisé l dezentrament ideatif y produtif dla RAI sun basa regionala y che dal 1988 inant é resteda demé tles regions Val d’Aosta, Trentin-Südtirol y Friul.

Ma l sforz produtif maiour reverda les trasmiscions per todesch y per ladin vedudes dantfora da la convenzion metuda a jì anter la Presidenza dl Consei di Ministri y la RAI.

I palinsesc’ de carater general é caraterisés da n fort contegnù informatif, con 2 telegiornai y 11 notiziars per todesch, un n telegiornal y 2 notiziars radiofonics per ladin, a chi che se jonta pro les rubriches da vignidì y edemanales per aprofondimenc giornalistics, per cialè tres la stampa, notizies meteo y ajornamenc sun la viabelté.

Dlongia l’informazion él dapò na gran piteda de trasmiscions de contegnù recreatif, cultural y educatif che va dai documentars de carater storich a les rubriches de atualité, dai programs de mujiga a la prosa, da la cultura popolara a l’orela curta, dai programs per i joegn a chi de servisc y de utilité soziala.

N impegn fort che vegn premié da resultac scialdi bogn per cie che reverda l scuté su. L telegiornal per talian da mesa les 8 da seira é chel plu scuté su te duta la Talia.

Il sito Rai utilizza cookie tecnici o assimiliati e cookie di profilazione di terze parti in forma aggregata, per rendere più agevole la navigazione, garantire la fruizione dei servizi e se vuoi saperne di più o negare il consenso a tutti o ad alcuni cookie leggi qui - Chiudendo questo banner, scorrendo questa pagina o cliccando qualunque suo elemento acconsenti all'uso dei cookie.

Chiudi